Քաղցրեղեն, որ ճարպ չեն առաջացնում. 1in.am

Որոշ քաղցրեղեն չափավոր քանակի դեպքում չեն ազդում արյան մեջ շաքարի մակարդակի վրա և քաշ չեն ավելացնում: Այս մասին հայտնում է glavnoe.ua-ն: Ագավայի նեկտարը 1,5 անգամ քաղցր է շաքարից: Թեև այն համարվում է ավելի օգտակար, քան շաքարը, պետք է նկատի ունենալ, որ 90%-ով ֆրուկտոզա է:

Մալտոզան (ածիկի շաքար) պարունակվում է հացահատիկային բույսերի հասած հատիկներում, գարեջրում, կվասի, մեղրի, ածիկի, մրգահյութով պատրաստված հացաբուլկեղենի և հրուշակեղենի մեջ, որոնց ոչ մեծ քանակությունը չի ազդում արյան մեջ շաքարի մակարդակի վրա:

Լակտոզա (կաթնաշաքար) պարունակվում է բոլոր կաթնամթերքներում`՝ բացի կաթնաշոռից և պանրից:

Սորբիթը բնական քաղցրացուցիչ է, որը պարունակվում է շատ մրգերում: Այն 2-3 անգամ պակաս քաղցր է, քան շաքարը, և չի ազդում արյան մեջ գլյուկոզայի մակարդակի վրա:

Քսիլիտը ստանում են բույսերից: Այն չի ազդում արյան մեջ գլյուկոզայի մակարդակի վրա, սորբիթից 2 անգամ քաղցր է:

Ասպարտամը շաքարի փոխարինիչ է (200 անգամ քաղցր է դրանից) դիետիկ ըմպելիքում: Այն կալորիա չունի, բայց տաքացնելու դեպքում թունավոր է դառնում:

Գալակտոզան մթերքում ազատ վիճակում չի հանդիպում: Այն լակտոզայի հետ վերածվում է դիսախարիդի ՝ կաթի և կաթնամթերքի հիմնական ածխաջուրը:

Հարցեր, պատասխաններ, մեկնաբանություններ